Një nga ndeshjet më të rëndësishme të këtij sezoni do luhet ditën e sotme, ku përballë do jenë Egnatia dhe Vllaznia. Të dy skuadrat luajnë takimin e kthimit për gjysmëfinalen e kupës. Ku ndeshja e parë përfundoi në shifrat 1-1 në “Loro Boriçi”. Duke lënë gjithçka të hapur për këtë duel që luhet sot në Rrogozhinë. Ku si vendasit edhe kuqeblutë duan kalimin në finalen e 1 qershorit.
Kjo për të siguruar edhe një vend në Europë në fund të sezonit e po ashtu për të fituar 1 trofe. Trofe që për rrogozhinasit do ishte historik, pasi do ishte i pari që nga themelimi i tyre. E për këtë arsye, Egnatia dhe trajneri Tetova sot në fushë do hedhin futbollistët më të mirë. Duke nisur që nga porta ku do jetë i përhershmi, Alen Sherri.
Në mbrojtje nga e djathta i sigurtë është Fangaj e ndërsa në qendër të repartit të prapavijës ka një dyshim. Kjo mes Atandes dhe Memolles për të formuar dyshen me Maloten, ku momentalisht kavajsi Memolla duket më i avantazhuar. Këtë repart e kompleton Musta në të majtë. Mesfusha pritet me 3 futbollistët tashmë të zakonshëm dhe shumë thelbësorë.
Agbekpornu, Mellugja dhe Fernando priten si titullarë në këtë repart. Në sulm patjetër që si pikë referimi do jetë pika më e fortë e rrogozhinasve, Dwamena.
Ku ganezi do ketë mbështetjen e Kases dhe Jackson nga krahët. Një duel për të mos u humbur ky që do startojë ditën e sotme në orën 14:00, në stadiumin “Egnatia Arena” të Rrogozhinës.
Endri ÇINARI
