Egnatia ka hedhur një tjetër hap shumë të sigurt drejt kualifikimit në Europë në edicionin tjetër me fitoren 2-0 ndaj Bylisit.
Rrogozhinasit kanë dominuar përballë ballshiotëve por u është dashur që të presin pjesën e dytë për të zgjidhur fatin e sfidës, edhe pse në minutën e 28 ishin në epërsi numerike pas një kartoni të kuq të Maçollit te miqtë.
Megjithatë, dominimi në pjesën e dytë të ndeshjes, u konkretizua nga golat e Malotës dhe Kasës, duke i dhënë tre pikë shumë të rënda ekipit të Tetovës. Tashmë rrogozhinasit janë në vendin e tretë dhe shumë pranë arritjes së një objektivi historik për këtë klub.
EGNATIA 2-0 BYLIS
59′ Malota, 77′ Kasa
