Shtatë klubet më të mëdha të botës së futbollit kanë zhvilluar bisedime me FIFA-n në lidhje me krijimin e një turneu multi miliarder.
Përfaqësues nga Manchester United, Barcelona, Real Madrid, Manchester City, Juventus, Paris Saint-Germain dhe Bayern Munich janë takuar të mërkurën për të folur në lidhje me turneun, që quhet në kod “Project Trophy”. Kjo është zbuluar nga e përditshmja amerikane “New York Times”.
Ky turne do të zëvendësonte Botërorin për Klube dhe pritet të fillojë në 2021-in, me 24 skuadra që do të merrnin pjesë çdo 4 vite dhe që do të sillte deri në 18 miliard sterlina të ardhura.
Gjysma e skuadrave do të ishin nga Europa, duke përfshirë edhe finalistet e Champions dhe Europa League të sezonit të mëparshëm.
Grupet amerikanojugore do të zinin katër vende të tjera, ndërsa dy skuadra do të përzgjidhen nga Afrika, Azia dhe Amerika e Veriut.
Vendet e fundit do të zihen nga vendi organizator dhe fituesit e “play off”-eve mes klubeve të Amerikës së Jugut dhe Oqeanisë. Në një komunikatë për shtyp, FIFA ka bërë të duitur se:
“Takimi i së mërkurës na lejoi të kuptonim interesin real për një reformë të plotë të Botërorit për Klube dhe zhvillimin e një kompeticioni të ri, nga i cili do të përfitonte i gjithë komuniteti i futbollit nëpër botë”. /telesport/
