Flamurtari do vizitojë sot Shkodrën për ndeshjen e kthimit të turit çerekfinal të kupës së Shqipërisë. Një ndeshje më tepër për statistikë dhe prestigj duke parë edhe fitoren 1-2 në ndeshjen e parë të Vllaznisë në Vlorë. Por trajneri Dritan Resuli duket se ka projektuar formacionin për këtë takim.
Kështu në portë pritet një veteran si Shpëtim Moçka që mungoi në ndeshjen e parë. Në mbrojtje emra të njohur si: Gocaj në të djathtë dhe Liçaj majtas e ndërsa qendra nga dyshja Bicaj-Qarri.
Një mesfushë e përbërë nga 3 lojtarë, ku forcës dhe eksperiencës së dyshes shkodrane, Ramadani-Pjeshka i shtohet edhe fantazia e Indio.
Në sulm Diamanti dhe Çelhaka nga krahët do jenë në mbështetje të Andi Ribajt. Kjo pritet të jetë edhe 11-tshja që do zbresë sot në orën 13:45 në “Loro Boriçi” kundër Vllaznisë për ndeshjen e kthimit të Kupës së Republikës.
Endri ÇINARI
