Lorik Cana është një person i adhuruar jo vetëm në Shqipëri, por jashtë saj. Ish-kapiteni legjendar i Kombëtares sonë ka marrë një letër përshëndetëse nga një fans i tij nga Polonia. Djaloshi Tomasz ka dhënë një kontribut të vogël financiar për fondacionin “Lorik Cana 5”.
Letrën e vlerësimit të veçantë Cana e ka postuar në Instagram.
“I dashur, Lorik Cana
Do të doja të jepja përgëzimet e mia dhe urimet për suksesin e arritur në futboll. Jam fansi yt i madh prej shumë vitesh që kur luaje për Olimpique Marseille.
Më tej kam ndjekur karrierën e mëtejshme ku ke bërë lojëra të mëdha me klubet dhe kombëtaren, ku i kam ndjekur me pasion dhe kënaqësi.
Kjo është arsyeja pse dua të të kërkoj miqësisht, të më dërgosh të lutem foton tënde me autografin. Kjo do të thotë shumë për mua. Të jam vërtet mirënjohës dhe falenderues. Është ëndrra ime.
Të falenderoj për mirësjelljen tënde dhe emocionet që ke dërguar në futboll. Në këtë letër dua të të jap një kontribur të vogël për fondacionin tënd “Lorik Cana 5″. Të lutem, pranoje.
Të uroj më të mirat në jetën tënde private dhe në futboll”
