Pritej që Spanja t’i bënte një nder Gjermanisë por ndodhi krejt e kundërta. Spanja u mposht në ndeshjen e fundit nga Japonia 1-2 me përmbysje por iberikët u kualifikuan me ndihmën e golavarazhit dhe mbyllin grupin në vendin e dytë.
Pavarësisht se nuk arritën vendin e parë, rruga drejt finales është më e lehtë në letër kështu pasi La Rojan e pret Maroku në fazën tjetër e jo Kroacia, gjithashtu shmangin një përballje të mundshme me Brazilin në cerekfinale. Nga ana tjetër, Gjermania e mbyll për herë të dytë rresht Kupën e Botës që në fazën e grupeve.
Mediat në Spanjë kanë hapur faqet e para të gazetave me falenderime ndaj Gjermanisë për fitoren ndaj Kosta Rikës. Falenderime që duken në formë ironie teksa gazeta prestigjoze “AS” shkruan në gjermanisht: DANKE ALEMANIA (Faleminderit Gjermani).
Ndërsa media tjetër e njohur, MARCA shkruan se Gjermania tashmë merr rrugën me nder. Kjo ditë nuk do të harrohet lehtë për tifozët gjerman.
Faqja e parë e gazetës MARCA:
