Edhe pse Rodriguez ishte lënë jashtë skuadrës për ndeshjen e fundit në “Allianz Arena”, ai u shfaq bashkë me bukuroshen venezueliane në fushën e blertë, pas mbarimit të lojës. Në një histori dashurie e konfirmuar edhe në Instagram, ku modelja postoi foton e të dyve së bashku, të shoqëruar me statusin “urime” dhe një “emoji” të kuq të zemrës.
Shannon, e cila ka mbi 1.6 milionë ndjekës në Instagram, ishte e martuar me superstarin latin, Marc Anthony, për dy vite, para se të divorcoheshin në shkurt 2017. Rodriguez u nda, po ashtu, nga modelja bukuroshe Daniela Ospina, motra e portierit (David) të Arsenalit, më vonë, në të njëjtin vit. Ato kanë edhe një vajzë, Salome, pesë vjeçe.
27-vjeçari i ka kaluar dy vitet e fundit të karrierës në Gjermani, por ende duhet të konfirmohet e ardhmja e tij, nëse qëndron në “Allianz Arena”, apo do të kthehet në Madrid. Kolumbiani nuk bën pjesë në planet e trajnerit Zidane, por Atletico Madrid po planifikon blerjen e tij për 55 milionë stërlina, sipas njoftimeve nga Spanja./telesport/
