Granit Xhaka mund të largohet në muajin janar nga Arsenal. Ky është lajmi i bujshëm që raportojnë mediet angleze teksa bëjnë me dije që mesfushori shqiptar është në radarin e Milanit.
Kuqezinjtë e Italisë janë gati të paguajnë shifrën e 40 milionë eurove për shërbimet e tij.
Sipas “Daily Express”, 27-vjeçari shihet si lojtar kyç për mesfushën e Milanit, ndaj kanë nisur të lëvizin “gurët” për shërbimet e tij.
Incidenti me tifozët dhe përplasja me trajnerin Unai Emery ka rritur kuotat e Xhakës për t’u larguar nga “Topçinjtë” e Londrës. Gjithashtu raportohet se dhe për takimin e radhës, ai nuk është grumbulluar sërish nga tekniku i Arsenalit./newsport/
