Sulmuesi shkodran Hamdi Salihi rikthehet të luajë në kampionatin austriak të futbollit pas disa vitesh mungesë. E ka bërë një gjë të tillë pasditen e djeshme kur ka debutuar për ekipin e tij të ri ëiener Neustadt. Ndonëse nuk ka shënuar, ai ka qenë protagonist me lojën dhe rastet e krijuara.
Ai ka luajtur për 70 minuta si titullar në fushë dhe më pas është zëvendësuar. Kalimi në Ligën e dytë austriake është konsideruar një hap i rëndësishëm për mbylljen e karrierës së Salihit ndoshta dhe ideja është nisja e punës si trajner po në këtë vend. Në ndeshjen e djeshme, skuadra e shkodranit ka fituar 1-0 në transfertë ndaj Riedit, ish-skuadrës së tij vite më parë. Golin e vetëm të takimit e shënoi Hager në minutën e 32-të. ëiener Neuestadt ka pretendimet e veta këtë sezon për të qenë në mes ekipeve më të mira të kësaj kategorie dhe Hamdi Salihi pritet ta ndihmojë jo pak në këtë drejtim.
© shkodrasport.com
