Kombetarja U17 e Shqiperise ditet e fundit ka zhvilluar nje tjeter grumbullim teksa trajneri Bulku ka provuar disa nga lojtaret e kampionatit shqiptar, por edhe te ardhur nga jashte.
Diten e sotme, nderkohe kjo kombetare ka zhvilluar edhe nje ndeshje miqesore me ate U18 qe drejtohet nga trajneri Ardi Behari. Pjese e kombetares se 17 vjeçareve ne kete testim ka qene edhe mesfushori i Akademise Vllaznia Hazret Shimaj.
I datelindjes 3 tetor 2005, ky futbollist po spikat me paraqitjet e tij tek ekipi shkodran. Mban numri 8 ne fanelle dhe luan si mesfushor qendre.
Shimaj eshte nje motorr i vertete ne fushen e lojes teksa rikuperon pafund topa dhe po ashtu, ndihmon edhe skuadren ne manovren sulmuese. Fakti qe eshte perzgjedhur per te qene pjese e kombetares ne kete grumbullim, tregon se ai ka rene ne sy me performancat e tij gjate kampionatit.
Ne pamje te pare, jo vetem nga emri, por edhe nga menyra si luan, ky futbollist 16 vjeçar ka tiparet e Fjoart Jonuzit, mesfushorit te Vllaznise. Te shpresojme qe ai do ta vazhdoje kete rruge e do te kete nje karriere te suksesshme si tek Vllaznia ashtu edhe tek ekipet kombetare.
Gjergj KOLA
