Departamenti i Garave në Federatën Shqiptare të Futbollit hodhi këtë të mërkurë shortin për sezonin e ri të kampionatit të Kategorisë Superiore për grupmoshën U-21.
Shorti u drejtua nga specialisti i garave në FSHF, Erald Shera, teksa të pranishëm ishin edhe përfaqësues të klubeve pjesëmarrëse në këtë kompeticion, të cilët u njohën me kalendarin e plotë të këtij edicioni. Ne mes tyre ka qene edhe drejtori i Akademise Vllaznia Alban Neziri.
Komiteti Ekzekutiv, në mbledhjen e 29 qershorit miratoi të gjitha datat e nisjes së kompeticioneve kombëtare për këtë edicion futbollistik. Sipas vendimit të Komitetit Ekzekutiv, sezoni për ekipet 21-vjeçare do të nisë më 7 shtator dhe pritet të përfundojë më 10 maj të vitit 2023.
Në këtë kampionat do të marrin pjesë 10 ekipe e më konkretisht KF Vllaznia, FK Dinamo, KF Tirana, FK Kukësi, KF Partizani, KF Bylis, KF Teuta, KF Egnatia, FK Apolonia, KF Korabi.
Kampionati i Kategorisë Superiore për këtë grupmoshë do të zgjasë 27 javë dhe do të jetë i ndarë me tre faza, ku në fazën e tretë do të aplikohet përgjysmimi i pikëve në klasifikim, pas përfundimit të dy fazave të para.
Kalendari i plotë i Abissnet Superiore U-21 për sezonin 2022-2023:
Click to access Kalendari-Abissnet-Superiore-U-21-2022-2023.pdf
