Ballkani zyrtarisht është kampion në Kosovë, për të parën herë në histori. Skuadra e Superligës mbylli llogaritë me titullin 4 ndeshje nga fundi i sezonit, duke qenë 11 pikë larg ndjekësve dhe një ndeshje më shumë për të zhvilluar.
Skuadra e drejtuar nga Ilir Daja “hapi shampanjën” nga krevati, duke mos qenë në fushë për titullin, falë edhe barazimit 0-0 në derbin e Anamoravës mes Dritës dhe Gjilanit.
Trajneri i Ballkanit, Ilir Daja bëhet i pari teknik nga Shqipëria, që ia del të fitojë titullin në Superligën e Kosovës. Gjithashtu Daja është i pari trajner shqiptar që arrin katër trofe kampionatesh me skuadra të ndryshme.
Veç Ballkanit, Daja ka fituar tituj si trajner edhe me Elbasanin (2006), Dinamon (2008) dhe Skënderbeun (2018).
