Ditet e ndeshjes se shumepritur me Real Madrid po afrojne dhe drejtuesit e ekipit te femrave te Vllaznise nga dita e sotme kane nisur edhe shitjen e biletave te kesaj ndeshje. Ne faqen zyrtare te klubit shkodran pak minuta me pare jane publikuar çmimet e biletave dhe oraret e shitjes se tyre.
Pritet qe interesimi per kete ndeshje te jete i madh dhe ne shkallet e stadiumit “Loro Boriçi” mbremjen e se enjtes te kete nje numer te konsiderueshem tifozesh.
Ne fakt drejtuesit e Vllaznise kane menduar qe disa prej tribunave te jene edhe falas, por mesohet se eshte kusht i UEFA-s qe ndeshjet e fazes se grupeve te ketij kompeticioni te rendesishem europian, te mos kete hyrje falas ne stadium.
NJOFTIM
KFF Vllaznia bën të ditur se nga dita e sotme, (e shtunë) datë 15Tetor 2022, do të nisë shitja e biletave për supersfidën e futbollit për femra VLLAZNIA –REAL MADRID, e vlefshme për “UEFA Ëomen’s Champions League”, Dita 1, Grupi A.
Ndeshja do të luhet, ditën e enjte, dt. 20 tetor 2022, ora 18.45 në stadiumin “Loro Boriçi”, në Shkodër.
Ditët dhe oraret dhe pikat e shitjes së biletave për këtë takim janë:
– Tek dyqani UNIVERSAL në adresën: Rruga “Qemal Draçini”, Tek pallati “Exalco”
Çdo ditë, ora 10.00 – 20.00
(E dielë, 16 tetor 2022, Ora 10.00 – 13.00)
– Tek biletaria e stadiumit:
Nga dita e hënë, dt. 17 tetor 2022, deri ditën e enjte, dt. 20 tetor 2022, Ora 10.00 – 18.00
Gjithashtu, për tifozët që duan të blejnë bileta në tribunat VIP, A dhe B, ditën e ndeshjes, do funksionojë edhe një pikë shitje shtësë, para hyrjes kryesore të stadiumit.
Ju njoftojmë se për këtë sezon, përpos pikës së zakonshme në sportelet pranë stadiumit, biletat do të shiten edhe:
Në Shkodër:
– Tek Market VLLAZNIA, në adresën: Tek kryqëzimi i Stacionit të Trenit, përballë Karburant Bolv-Oil.
Në Koplik:
– Tek VODAFONE SHOP,në Qendër të qytetit të Koplikut.
Në këto pika biletat do të shiten që nga dita e Shtunë, dt. 15 Tetor 2022deri ditën e ndeshjes.
– ONLINE (duke filluar nga dita e Hënë, dt, 16 Tetor 2022) në linkun:
https://tickets.paysera.com/sq-AL
Ejani të mbështesim vajzat kuqeblu, në këtë rrugëtim historik!
Forca Vllaznia!
