Ka zgjatur vetem nje vit “divorci” me Vllaznine dhe Stela Kiri eshte rikthyer serish ne Shkoder. Pas eksperiences me Skenderbeun, “liberoja” eshte bindur nga oferta e presidentit Florian Zekja dhe ka vendosur te rikthehet aty ku e nisi volejbollin.
Sportistja e talentuar ka dhene nje interviste per “Shkodra Sport” teksa duke biseduar me gazetaren Fabiola Caka ka bere te qarte edhe arsyen pse vendosi te rikthehej te Vllaznia, e njekohesisht ka folur edhe pretendimet e Vllaznise ne kampionatin e ri.
– Stela, u rikthyer serish te Vllaznia. U menduat dy here per te thene “po” apo vendoset menjehere?
Nuk hezitova per te thene “po”. Por si fillim dua te falenderoj perzemersisht presidentin e Vllaznise, Florian Zekja, i cili mundesoi afrimin e disa vajzave dhe perveç suportit monetar, na ka mbeshtetur vazhdimisht edhe nga ana morale. Ishte kjo arsyeja kryesore pse u riktheva te kjo skuader.
– Cilat do jene pretendimet e Vllaznise ne sezonin e ri?
Pretendimet tona ne kete sezon jane te renditemi ne vendet e para. Po punojme fort per keto synime por koha do e tregoje pasi kampionati po afrohet.
-Si jane marredheniet me stafin dhe ekipin?
Marredheniet jane te shkelqyera. Stafi eshte mjaft i pergatitur dhe po bejne nje pune te palodhshme dita-dites. Po ashtu duhet theksuar se edhe grupi i vajzave eshte ne nivele me te larta dhe shpresojme shume te kemi rezultate sa me te mira.
– Pse keni zgjedhur volejbollin?
Volejbolli ka qene nje pasion i imi qe ne femijeri dhe nuk ngurrova ta ndjek ,sigurisht duke pasur edhe mbeshtetjen e familjes.
– Keni nje moment kyç qe do ta veçonit nga karriera juaj?
-Per mua eksperienca e kaluar me Kombetaren ishte me e bukura. Perveçse perfaqeson vendin, ndeshesh edhe me ekipe te nivelit te larte.
-Cilat jane objektivat qe deshiron te arrish ne te ardhmen?
Per momentin jam e fokusuar tek kontributi im per ekipin e Vllaznis, por me vone nuk i dihet se çfare mund te na sjelle e ardhmja.
Intervistoi: Fabiola CAKA
