KF Trepça mund të shkrihet. Kështu raporton “Zëri i Sportit” për klubin e Ligës së Parë të Kosovës. Pavarësisht se ka zhvilluar një merkato fantastike, duket se klubi nga Mitrovica e mbyll këtu rrugëtimin e bukur, por të shkurtër.
Raportohet se duke filluar prej ditës së nesërme, lojtarët do të jenë të lirë për të gjetur një skuadër të re.
Kujtojmë se emrat e afruar ishin cilësorë, duke e kthyer KF Trepçën në një skuadër pretendente për t’u ngjitur në Superligën e Kosovës.
Okseold Sefa, Rudolf Turkaj dhe Jurgen Mehidri janë disa prej emrave që u bashkuan me KF Trepçën gjatë kësaj dritareje merkatoje. Mirëpo, situata është e vështirë, pavarësisht fitores 3-1 përballë Mitrovicës në ndeshjen e parë të kampionatit.
