Te Napoli kanë filluar të mendojnë për largimin e Hoze Kajehon dhe për zëvendësuesin e sulmuesit spanjoll.
Sipas asaj që shkruan “Corriere dello Sport”, skuadra italiane pëlqen shumë sulmuesin shqiptar, Milot Rashica. Futbollisti i Kosovës falë paraqitjeve të shkëlqyera me Verder Bremenin, ka tërhequr vëmendjen e ekipeve të mëdha.
Pikërisht drejtuesit napolitan e pëlqejnë shumë dhe do të përpiqen ta afrojnë në ekip në merkaton e verës.
Klubi i Rashicës kërkon të paktën 30 milionë euro për ekipet jashtë Gjermanisë, teksa ky çmim mund të rritet pasi në gjurmët e lojtarit janë disa ekipe, që janë të gatshme të plotësojnë kërkesat.
