Vllaznia do te hyje ne fushe me Kastriotin vetem per nje rezultat: te marre fitoren dhe te shpresoje per kualifikimin ne Conference League.
Perballja e fundit me krutanet nuk pritet te jete nje ndeshje e lehte per trajnerin Mirel Josa, i cili kerkon qe fillimisht te beje detyren me ekipin e tij dhe me pas te “kryqezoje gishtat” per nje humbje te Kukesit dhe te beje tifo per skuadren e Tiranes.
Fakti qe Kastrioti ka arritur synimet, shihet si nje plus ne kampin shkodran, te cilet jane me te karikuar per te arritur maksimumin dhe per te treguar se e meritojne nje vend ne Europe.
Ne kete ndeshje, pritet qe Vllaznia te mos kete asnje mungese per arsye kartonesh, sepse te gjithe futbollistet jane te “paster”. Pritet qe trajneri Josa te mos beje shume ndryshime nga ndeshja e kaluar dhe t’u besoje te njejteve titullare.
Gjithsesi, duke pasur perpara nje ekip si Kastrioti, Josa ka kerkuar te kete shume kujdes reparti i mesit te fushes, i cili duhet te beje te pamunduren qe krutanet te kene sa me pak mundesi per t’iu afruar zones dhe t’i thyejne aksionet shume shpejt.
Megjithate, mbetet per t’u pare nese strategjia e shkodraneve do te jape efekt perpara krutaneve, te cilet kane treguar se ne fushen e tyre jane shume te veshtire per t’u mundur. Megjithate, skuadra e Vllaznise pritet te jete e perqendruar maksimalisht ne kete perballje, me shpresen se do te marre nje fitore.
Maringlen ZHIVANI
