Është shumë e vështirë të imagjinohet që Lionel Messi të luajë për ndonjë klub tjetër përveç Barcelonës. Gjashtë herë fituesi i “Topit të Artë”, duket se nuk ka marrëdhënie te shkëlqyera me drejtuesit e Barçës.
Ai ka qenë pjesë e këtij klubi që nga mosha 13 vjeçare dhe ka luajtur 724 ndeshje për gjigantët katalanas, duke shënuar 630 gola të mrekullueshëm në këtë kohë.
Në “Camp Nou”, Messi ka të sigurt statusin e tij, pasi në sytë e shumë tifozëve të futbollit, por edhe lojtarëve, ai është lojtari më i madh i të gjitha kohërave.
Sidoqoftë, përfundimi i përrallës se bukur mes tij dhe Barcelonës, duket se po vije.
Raportimet nga Spanja të enjtes shkruajnë se Messi po planifikon të largohet në fund të kontratës së tij aktuale në verën e vitit 2021.
Cadena SER shkruan se mesazhi i Messit është i qartë: nëse Josep Maria Bartomeu vazhdon në rolin e tij si president i klubit, ai nuk do të qëndrojë.
Ky lajm shokues ka çuar në një valë spekullimesh mbi të ardhmen e Messit – dhe, veçanërisht, destinacionin e tij të ardhshëm.
Sipas kompanisë së basteve Betfair, Juventusi aktualisht janë favoritët e dytë që të firmosur me sulmuesin e njohur me kuotë 4.00.
Shumë tifozë të futbollit në mediat sociale kanë shprehur dëshirën për të parë Messin dhe Cristiano Ronaldon bashkë, të pakën vetëm për një sezon të vetëm.
