Nisja e përgatitjeve të rradhës për edicionin e sivjetëm të Ligës së Kampioneve, ka bërë që presidenti i Vllaznisë së femrave të ndërhyjë në merkato për ta plotësuar skuadrën me lojtare cilësore ku ajo ka patur nevojë. Ditët e fundit ai ka kryer tri goditje të rëndësishme duke marrë kapitenen e kombëtares shqiptare Albina Rrahmani dhe dy futbolliste të kombëtares malazeze.
Rrahmani padyshim që është një përforcim i rëndësishëm për repartin e mbrojtjes së kuqebluve teksa me eksperiencën e saj do ta ndikojë shumë skuadrën e drejtuar nga trajneri Leka në ndeshjet e rëndësishme ndërkombëtare. Përveç saj, pritet që edhe dy malazezet të japin kontributin e vet. Darija Xhukiç është 26 vjeçe, luan si mesfushore dhe në sezonin e fundit ka qenë pjesë e ekipit malazez Ekonomist. Xhukiç është pjesë e kombëtares malazeze, ashtu si dhe lojtarja tjetër e ardhur tek Vllaznia Jadranka Paviçeviç. Kjo e fundit është 28 vjeçe dhe në sezonin e fundit ka qenë pjesë e ekipit serb Masinac. Të reja këto futbolliste pritet të japin kontributin e tyre tek skuadra shkodrane. Ato janë bashkuar me ekipin që ditën e djeshme, madje sot kanë udhëtuar me të drejt Greqisë për të marrë pjesë në turneun ballkanik që do të zhvillohet në Alexandropoulis.
www.shkodrasport.com
