Dinamo do të luajë nesër sfidën e javës së 13-të të Superligës ndaj Vllaznisë. Takimi do të luhet në stadiumin “Elbasan Arena” dhe do të nisë në orën 19:45. Përmes një postimi në faqen zyrtare, Dinamo ka bërë me dije se ka nxjerr në shitje biletat për këtë takim.
Biletat për tribunën C1 dhe G3 për tifozët e Vllanisë do të kushtojnë 400 lekë, kurse për tribunën kryesore, biletat do të kushtojnë 1000 lekë.
Dinamo vjen në këtë ndeshje pas 3 humbjeve radhazi dhe ndaj Vllaznisë do të kërkohet me çdo kusht kthesa dhe marrja e 3 pikëve.
Nga ana tjetër, skuadra shkodrane ka marrë dy fitore radhazi dhe kërkon të ruajë këtë ecuri pozitive për të mos humbur terren me Kukësin dhe Tiranën që kryeson kampionatin./newsport/
