Trajneri i Liverpoolit, Jurgen Klopp është i bindur se dyshimet rreth kualifikimit në Ligën e Kampionëve nuk do të dëmtojnë planet e tyre në tregun e transferimeve.Reds aktualisht janë në vendin e pestë dhe shkojnë në Leicester City të hënën në mbrëmje, në ndeshjen e javës së 36-të.
Ekipi nga Anfield pret gabime nga Manchester Unitedi dhe Neëcastle për tu kualifikuar në Ligën e Kampionëve, por Klopp mendon se Reds janë tërheqës për lojtarët edhe nëse nuk kualifikohen në garën elitare për klube.
“Kur flas me një lojtar – nëse më lejohet të flas me një lojtar – nuk mund të themi për momentin nëse kemi futboll në Ligën e Kampionëve. Pra, nëse tashmë po flasim, atëherë është e qartë se ai tashmë e di për atë situatë”, ka thënë fillimisht Klopp.
“Por, kjo është vetëm një gjë e përgjithshme. Unë mendoj se nëse i bashkohesh një klubi, do të arrish diçka së bashku me klubin”.
“Është e qartë se ne duhet të jemi pjesë e Ligës së Kampionëve, të luftojmë për trofe dhe gjëra të tilla. Nëse doni të jeni pjesë e kësaj, ju jeni më se të mirëpritur. Ne nuk mund të garantojmë këtë vit futbollin e Ligës së Kampionëve”.
“Por, gjithçka tjetër është njësoj si më parë: një klub fantastik me një ekip futbolli vërtet të mirë – dhe një më i mirë shpresojmë vitin e ardhshëm. Është vërtet kaq e thjeshtë. Ende Liverpool. Ne jemi vërtet tërheqës për shumë lojtarë”, përfundoi trajneri i Reds. /Telegrafi/
