Barazimi 1-1 ne ndeshjen e pare ne Shkoder ne pamje te pare le te hapur gjithçka sa i takon kualifikimit per Universitatean e Krajoves dhe per Vllaznine. Madje drejtuesit e kesaj te fundit e mendojne 50 me 50 shansin per kualifikim.
Por krejt ndryshe mendojne kompanite e basteve. Per ta, fitorja e rumuneve eshte detyrim dhe per kete arsye koefiçenti per “1”-shin e ndeshjes te se enjtes eshte shume i ulet, 1.27.
Nderkohe shanset qe ndeshja e cila do te luhet ne stadiumin e Krajoves te mbyllet ne barazim brenda 90 minutave te saj, kuotohet me 4.90, ndersa fitorja e Vllaznise per ta ka pak shanse te ndodhe dhe per kete arsye ajo kuotohet 10.25.
Shpeshhere ndodhe qe gjerat te marrin edhe rrjedhe tjeter, por ka edhe shume raste qe parashikimet e kompanive te basteve te dalin. Megjithate, per kete rast duhet pritur deri ne mbremjen e se enjtes.
Vllaznia natyrisht do te luaje pa presion sepse nuk ka se çfare te humbase, nderkohe qe per Universitatean, fitorja eshte detyrim ngaqe luan ne fushen e saj dhe para tifozeve te saj, por fillimi i sezonit per te nuk eshte i mbare dhe per kete arsye, gjithçka mund te ndodhe./SHKODRA-SPORT.COM/
