Blerja me e fundit e Vllaznise, Kristijan Vulaj, pasditen e sotme ka zhvilluar seancen e pare stervitore me kuqeblute. Pas firmes diten e djeshme, ai i ka kerkuar leje drejtuesve te klubit per t’u rikthyer serish ne Tuz dhe per te marre gjerat personale qe i duhen per ditet e qendrimit ne Shkoder.
Per rrjedhoje, mesditen e sotme ai ka ardhur serish dhe pak ore me vone eshte vene ne dispozicion te trajnerit Josa. Tashme mbetet per t’u pare gjendja e tij fizike dhe padyshim qe do t’i duhet pak kohe per te kapur ritmin e grupit.
Vulaj luan ne rolin e fantazistit dhe konsiderohet nje blerje me shume vlere per Vllaznine, megjithate kete duhet ta demostroje edhe ne fushen e lojes. Pritshmerite ndaj tij jane te medha dhe tifozet mendojne se ai do te jete nje pike e forte e skuadres.
24 vjeçari pritet te kape shume shpejt formen e tij me te mire dhe te jete pjese e formacionit qe ne ndeshjen e pare, ate ndaj Universitateas se Krajoves qe do te luhet me 21 korrik./SHKODRA-SPORT.COM/
