Tashmë është zyrtare, Vasil Shkurtaj rikthehet në Kategorinë Superiore, teksa do të mbajë veshur fanellën e skuadrës së Kukësit.
29-vjeçari ka firmosur një kontratë me klubin verilindor për 6-muaj me opsion rinovimi për një tjetër sezon. Këtë lajm e ka bërë vetë publike klubi i Kukësit me anë të një postimi në profilin e saj zyrtar në rrjetin social “Facebook” duke i ururar mirëseardhjen sulmuesit.
Shkurtaj vjen pas aventurës që kishte në Kinë me skuadrën e Jiangxi Beidamen, teksa më parë ai ka mbajtur veshur fanellat e Luftëtarit në Kategorinë Superiore ku spikati me paraqitjet dhe golat e tij, Aris Limasol, Skoda Xanthi, Niki Volu, Asteras Tripoli, Tondela, Roda U-21, Vilaverdense, Platanias, Panionios,
NJOFTIMI ZYRTAR I KLUBIT TË KUKËSIT –
“Futboll Klub Kukesi njofton se sulmuesi Vasil Shkurtaj është zyrtarisht futbollist i skuadrës sonë! Sulmuesi 29-vjeçar ka firmosur ditën e sotme me klubin një kontratë deri në fund të sezonit me opsion rinovimin edhe për një tjetër sezon, duke u bërë kështu futbollisti më i ri në skuadër.
Sulmuesi shtatlartë rikthehet te skuadra jonë, pas një aventure në Kinë, duke u vënë menjëherë në dispozicion të skuadrës për pjesën e mbetur të sezonit. Shkurtaj bëhet kështu afrimi i dytë në merkaton e janarit.
Klubi i Kukësit i uron mirëseardhje sulmuesit dhe shumë suksese me fanellën e skuadrës sonë. Mirësevjen Vasil
Skeda e Lojtarit:
Emri: Vasil Shkurtaj
Mosha: 29 vjeç
Kombësia: Shqiptar
Gjatësia: 1.90 m
Pozicioni: Sulmues”
