Te dielen, Vllaznia do te luaje ndeshjen e rradhes ne kampionat, te vlefshme per javen e 26-te te Abissnet Superiore. Kuqeblute do te ndeshen ne sfiden e rradhes ndaj Lacit ne transferte, nje takim mjaft i rendesishem ky per shkodranet, te cilet duhet te bejne maksimumin per te marre nje rezultat pozitiv ne kete ndeshje.
Pikerisht, ky takim ndermjet Lacit dhe Vllaznise eshte zgjedhur te transmetohet pa pagese per te gjithe sportdashesit kurbinas dhe shkodrane nga RTSH. Kujtojme ketu qe, kjo ndeshje do te luhet te dielen ne oren 13:00 dhe pritet me interes nga opinioni sportiv shkodran per te pare ekipin e tyre te zemres.
Pas javes se 25-te, Vllaznia renditet ne vendin e katert ne tabelen e klasifikimit ne kuoten e 37-pikeve dhe i duhet medoemos nje rezultat pozitiv ne kete ndeshje ndaj Lacit per te vijuar drejt synimeve te saj.
Nderkohe nga ana tjeter, edhe kurbinasit jane ne gare per te mos rene nga kategoria, pasi siç dihet tashme, ata renditen ne vendin e tete ne tabelen e klasifikimit ne kuoten e 30-pikeve, nje pozicion ky qe te dergon ne play-off.
Maringlen ZHIVANI
