Kur mbetet edhe një ditë nga fillimi i Botërorit, vështrimi i të gjithë sportdashësve do të hidhet drejt Rusisë. Megjithatë nëse flasim për vetë Kombëtaren e cila është edhe organizatorja e këtij turneut, shenjat që ajo po tregon nuk janë aspak pozitive.
Këtë herë është legjenda ruse e futbollit, Andrei Kanchelskis, që më parë ka luajtur për shumë ekipe të njohura europiane, për të parashikuar fundin e parakohshëm të Rusisë.
“Futbolli është i organizuar më mirë në këto vitet e fundit. Ne kemi një sistem tradicional dhe Kombëtarja jonë ka kohë që nuk është në nivelin e duhur.
Aktualisht kemi shumë probleme. Jam i shqetësuar pasi shoh grupin më të dobët në jetën time që ka pasur ndonjëherë Rusia.
Të gjithë e dinë këtë, pasi brenda skuadrës ka shumë probleme. Aty ka shumë elemente të mirë por që nuk luajnë në nivelin e duhur në Kombëtare, për shkak të problemeve me trajnerin”, ka thënë Kanchelskis. /vipsport/
