Trajneri Nikolin Leka i ekipit të femrave të Vllaznisë pas triumfit në Ballkaniadën e zhvilluar në Greqi para dy ditësh ku vajzat shkodrane dolën fituese të tuneut ndalet dhe analizon sezonin e kaluar si edhe të ardhmen e ekipit në kupat e Europës. Nder të tjera trajneri Leka shprehet edhe për Ballkaniadën e fituar , ardhjet e reja në ekipin e femrave si edhe ndeshjet e Champions League ku premton se do japë maksimumin për të arritur një sukses të mundshëm por duke mos vënë objektiva për ekipin e femrave.
Ekipi i femrave të Vllaznisë është dominante prej më shumë se pesë sezonesh në kampionatin shqiptar duke fituar kampionatin me rekorde të panumërta. Puna e trajnerit Leka apo edhe presidentit Matia me vajzat shkodrane kanë bërë që ky ekip të jetë në nivele shumë të larta duke njohur suksese edhe jashtë vendit ndër kompeticionet ndërkombëtare.
