Ne barazim 0-0 eshte mbyllur pjesa e pare e ndeshjes ne mes Vllaznise dhe Skenderbeut qe po luhet ne stadiumin “Loro Boriçi”. Nje 45 minutesh me pak raste, nga dy per secilen skuadr por asnjera nuk arriti te dergonte topin ne rrjete.
Vllaznia e ka nisur ndeshjen me dy ndryshime ne formacion teksa trajneri Jonuz i ka besuar Gurishtes ne qender te mbrojtjes dhe po ashtu Krujes ne mbeshtetje te sulmit, nderkohe qe Skenderbeu eshte kunderpergjigjur duke hedhur ne fushe nje 11-she me karakter aspak difensiv.
Ne minuten e 30-te eshte nje aksion shume i bukur i Vllaznise, Kruja pason sakte tek Lika qe gjuan por pret Koliçi ne pozicion. Provon edhe Junior pak sekonda me vone megjithate ne krahun tjeter zgjohet Bregu qe ve ne prove Efremov qe reagon mire dhe grushton topin ne goditje kendi.
Nderkohe ne minuten e 36-te kemi nje zevendesim te detyruar tek Vllaznia. Ramadani demtohet dhe detyrohet te lere fushen e lojes duke u zevendesuar nga Shehi i cili ze vend ne qender te mbrojtjes dhe sposton Gurishten ne mesfushe.
Ne minuten e 43-te pas nje goditje denimi, Mensah me koke ve ne prove portierin Efremov qe reagon sakte duke e pritur topin ne nje moment delikat.
VLLAZNIA- SKENDERBEU 0-0
Vllaznia: Efremov, Gligorov, Gurishta, Malota, Marku, Krymi, Ramadani (Shehi 36′), Hygor, Lika, Kruja, Junior. Trajner: Mirsad Jonuz
Skënderbeu: Koliçi, Meksi, Dita, Jashanica, Pëllumbi, Daja, Mara, Taipi, Gripshi, Bregu, Mensah Trajner: Ilir Daja
Arbiter: Klajdi Kola
