Kamer Qaka nuk do të jetë i Tiranës, pasi Partizani e ka bindur për t’u veshur i kuq. Ish-mesfushori i Kombëtares trondit kështu bardheblutë, që e kishin si objektiv prej muajit tetor.
30-vjeçari ishte për herë të fundit pjesë e Shkëndijës së Tetovës. Vendimi për t’u larguar erdhi për shkak se kërkonte më tepër hapësira.
Qaka pritet të bëhet edhe zyrtarizimi i parë për këtë merkato te Partizani. Të kuqtë ndërkohë po studiojnë tregun edhe për sulmues ku po studiohen elementë për të përforcuar krahët.
Të kuqtë e nisën vitin me fitoren ndaj Burrelit në Kupë. Sfida e radhës është të enjten për kampionat ku të kuqtë masin forcat në transfertën e Vorës.
