Dihen tashmë të gjitha 16 ekipet që kanë kaluar tutje në fazën e eliminimit në Ligën e Kampionëve, ku duke i parë ekipet që kanë kaluar tutje do të kemi përballje të jashtëzakonshme.
Faza eliminatore e Ligës së Kampionëve fillon më 13 shkurt me ndeshjet e para dhe do të përfundojë më 1 qershor me finalen në Wembley të Londrës.
Të hënën është shorti për fazën e parë të eliminimit direkt, ndërsa ndeshjet e para do të luhen në datat 13/14 dhe 20/21 shkurt.
Ndeshjet e kthimit zhvillohen më 5/6 dhe 12/13 mars të vitit të ardhshëm.
Ndeshjet çerekfinale do të luhen në prill, ndërsa gjysmëfinalet në fund të prillit dhe në fillim të majit. Finalja, siç e cekëm më lartë, zhvillohet më 1 qershor në Wembley.
Kujtojmë se titullin kampion të Evropës nga sezoni i kaluar e mbrojnë futbollistët e Manchester Cityt.
Skuadra që kaluan tutje
Grupi A: Bayern Munich, Copenhagen
Grupi B: Arsenal, PSV
Grupi C: Real Madrid, Napoli
Grupi D: Real Sociedad, Inter
Grupi E: Atletico Madrid, Lazio
Grupi F: Borussia Dortmund, PSG
Grupi G: Manchester City, RB Leipzig
Grupi H: Barcelona, Porto
