Pasi te Real Madrid nuk kishte vend për të dhe pas një huazimi jo shumë të kënaqshëm te Milan, ku nuk është se ka luajtur më shumë se 30 ndeshje në total në të gjitha garat, Alex Jimenez vendosi të huazohej te Bournemouth në Premier League.
20-vjeçari spanjoll po bën një sezon shumë të mirë te Bournemouth, ku duket se ka rilindur tek ekipi i drejtuar nga Andoni Iraola. Duke qenë një titullar i rregullt dhe falë formës së treguar deri tani, Bournemouth ka vendosur të blejë përfundimisht Jimenez, sipas asaj që zbulon Fabrizio Romano.
Bournemouth do të paguajë njëherë 19.5 milionë euro tarifë fikse 5.5 milionë euro të tjera bonuse, në total 25 milionë euro. Kjo shumë do të ndahet gjysmë për gjysmë mes Real Madridit dhe Milanit, sipas marrëveshjes së bërë më parë mes dy klubeve./telesport/
