Partizani ka fituar 0-1 me Bylis në stadiumin “Adush Muça”, me sfidën që vlente për javën e tretë të Superligës. Ndeshja e zhvilluar pasditen e së shtunës është vendosur nga një gol i Skukës në minutën e 30.
Një skemë perfekte e Partizanit me Da Silvën në zhvillimet e një goditje të lirë, ka bërë që Skuka të dalë vetëm me Haremin, duke mos e pasur të vështirë të kalojë miqtë në avantazh.
Megjithë sulmet e Bylis në 10 minutat e fundit, rezultati mbeti pa ndryshuar. Pas tre javësh, Partizani mban kreun me 9 pikë. Tre fitore në tre ndeshjet e para të sezonit ka bërë që Partizani të thyejë rekorde. Nga ana tjetër, Bylis me 4 pikë mban vendin e pestë.
Formacionet zyrtare:
Bylis: Haremi, Trumci, Damcevski, Janku, Qardaku, Macolii, Ruci, Kacorri, Lorran, Souza, Qoshku Trajner: Arian Bellai
Partizani: Rexhepi; Hadroj, Bitri, Sota, Buxhelaj; Rrapaj, Murataj, Matondo; Da Silva; Cara, Skuka Trajner: Giovanni Colella
