Myrto Uzuni është në një formë mjaft të mirë këtë sezon. Sulmuesi kuqezi ka realizuar 21 gola deri tani me Granadan në ligën e dytë spanjolle. Golat e beratasit i kanë dhënë shumë avantazh ekipit të tij në renditje për t’u ngjitur në La LIga sezonin e ardhshëm.
Paraqitjet e tij mbreslënëse kanë rënë në syrin e suadrave “Big” të cilët kanë nisur ofertat e para në drejtim të tij. Granada duke ditur edhe interesin nga klubet e tjera do të kërkojë të fitojë sa më shumë nga shitja e tij. Për të folur për formën e tij dhe ofertat që kanë mbërritur për të në “Zona Gol” në “Supersport”, 27-vjeçari ka zbuluar shumëçka.
Goli 21-të me Granadën? “Vinim pas dy humbjeve. Dje kishim një kundërshtar si Las Palmas, që është një kundërshtar i fortë dhe ishte një fitore e madhe.”
Sekreti i formës së mire? “Nuk ka një sekret apo çelës, çelësi i vetëm është puna dhe regjimi që mbaj. Njerëzit që janë afër meje e dinë që mendoj 24 orë për futboll dhe ia dedikoj të gjithë kohën time futbollit.
Granada në La Liga? “Unë jam rritur gjithmonë duke parë La Ligan, Ronaldon e Messin dhe është një nga ligat më të forta në botë, jemi duke luftuar jemi afër dhe shpresoj të kualifikohemi si vendi i parë në renditje.”
E keni nisur nga Shqipëria dhe keni ecur shumë, tani kërkoheni edhe nga La Liga: “Karriera nuk ka nisur vetëm nga balta, karriera ime ka nisur që kur ikëm në Greqi si emigrant, ka punuar e gjithë familja, nuk ka qenë aspak e lehtë.”
Vlera që Granada i ka vënë për kartonin tuaj dhe kush mendon se do jetë klubi i së ardhmes? “Klauzolën në ligën e dytë e kam 12 milionë euro, ndërsa nëse ngjitemi në La Liga shkon në 25 milionë euro. Ka shumë oferta te Granada, pasi të gjithë e dimë që vështirë të gjesh sulmues që shënon shumë gola.”
Ofertat:? “Granada synon të më bëjë kapiten nëse ngjitemi në La Liga. Ky është sprinti final për mua dhe do jap maksimumin. Nëse vjen një ofertë e parezistueshme normal që do iki. Janë ekipe nga vendi i parë deri në vendin e pestë e të gjashtë të La Ligas dhe nga Premier League. Kam dhe ofertë për në Katar. As nuk e mendoj që të lëviz nga Europa, futbollin di ta bëj më së miri dhe jam i lumtur dhe mendoj se kam edhe shumë për të dhënë.”
