Napoli më në fund duket se po bindet për të shitur Kalidou Koulibaly, me drejtuesit e PSG-së që duket se kanë gjetur gjuhën e përbashkët me presidentin Aurelio De Laurentiis.
Mediat në Itali bëjnë me dije se marrëveshja pritet të mbyllet javën e ardhshme, me Napolin që do të përfitojë gati 60 milionë euro plus bonuset.
Koulibaly shihet si pasuesi ideal i Thiago Silvës në Paris, ku braziliani që ishte në fund të kontratës kaloi te Chelsea si lojtar i lirë.
Senegalezi i Napolit ishte lidhur dhe me një kalim të mundshëm te Manchester City, por duket se kampionët e Francës janë treguar më bindës dhe janë gati të kompletojnë transferimin.
