Ne futbollin shqiptar ndodh edhe keshtu. Ndeshja ne fushe perfundon me rezultatin 5-1, por ne faqen e Federates Shqiptare te Futbollit rezultati eshte 4-1.
Ka ndodhur sot ne ndeshjen e kampionatit te 19 vjeçareve ne mes Vllaznise dhe Dinamos, e luajtur ne fushen sportive “Reshit Rusi”. Ekipi i Dinamos e ka vene topin ne qender 5 here sepse po kaq here eshte tundur rrjeta e portes se tij, por nuk ka menduar keshtu delegati i FSHF-se qe hedh te dhenat ne sistem.
Ne baze te asaj çfare ai ka raportuar, Vllaznia U19 ka fituar 4-1. Kane shenuar per te Filipi, Pusi, Alivoda dhe Musaraj. Por delegati ka “harruar” 11-metershin e shnderruar ne gol nga kapiteni Elbasani dhe ai nuk ka qene goli i peste, por i katerti.
Dhe ka qene i rregullt, topi ka perfunduar ne rrjete dhe loja ka rifilluar nga qendra. Por nuk dihet pse ky gol nuk eshte hedhur ne sistem. Kjo ndoshta pak rendesi ka, por eshte e çuditshme ne fakt sepse si mund te harrohet nga perfaqesuesi i Federates.
Dhe a do te ndryshoje kjo gje? Kjo duhet pare nga te dhenat qe do te hedhe edhe arbitri ne sistemin e Federates. Ndoshta ky gol nuk ndikon per asgje, ndoshta ndikon ne renditjen perfundimtare sepse golaverazhi mund te percaktoje edhe renditjen perfundimtare. Prandaj dhe duhet korigjuar./SHKODRA-SPORT.COM/
