Ndryshon per here te dyte data e ndeshjes finale te kampionatit te futbollit te femrave, ajo ne mes Vllaznise dhe Apolonise, e cila do te vendose edhe skuadren kampione te sezonit 2023-2024.
Fillimisht Federata Shqiptare e Futbollit kishte caktuar daten 11 maj per luajtjen e kesaj ndeshje, por me pas u spostua per me date 13. Arsyeja kishte te bente me vendimin per perdorimin e sistemit VAR ne kete perballje te rendesishme.
Por nderkohe gazeta “Shkodra Sport” meson se data ka ndryshuar serish, kuptohet tashme per here te fundit. Finalja Vllaznia- Apolonia do te luhet diten e diele ne ora 17:30 ne “Shtepine e Futbollit” ne kryeqytet.
Vllaznia vjen ne kete finale pasi ka eliminuar ne gjysmefinalen e “Final 4” ekipin e Partizanit. Vajzat shkodrane fituan 3-0 ne Tirane ne ndeshjen e pare dhe 7-0 ne te dyten ne Shkoder. Nga ana tjeter, Apolonia u kualifikua ndaj Tiranes, pas barazimit 1-1 ne fushen e bardhebluve dhe fitores 2-0 ne Fier.
Te dielen, ekipi shkodran do te futet ne fushen e lojes me qellimin e qarte per te fituar titullin e 11-te kampion rradhazi, ndersa Apolonia do te provoje t’i gezohet titullit te pare./www.shkodrasport.com/
