Pas javes se pushimit dhe vemendjes tek kombetarja, tashme opinioni sportiv shqiptar i ka kthyer syte nga Superliga e cila ne fundjave do te luaje ndeshjet e javes se 27-te, te fundit te fazes se trete te kampionatit.
Ne Shkoder, te shtunen ne ora 15.00, Vllaznia do te prese Bylisin. Nje sfide qe pritet me shume interes ne kampin kuqeblu sepse te gjithe presin ndryshimet qe do te beje trajneri i ri Auron Miloti.
Ai ka marre vendin e Mirel Joses ne pankine dhe prej 10 ditesh po stervit skuadren. Me shume interes eshte per t’u pare se çfare do te ndryshoje ne formacion, cilet lojtare do perzgjedhe per 11-shen e pare, vendosjen e tyre ne fushe e gjera te tjera.
Me shume rendesi per t’u pare eshte edhe atmosfera qe ai do te krijoje ne rradhet e futbollisteve sepse kjo eshte shume e rendesishme ne nje skuader futbolli. Vllaznia do te kerkoje me çdo kusht fitoren ndaj Bylisit dhe per te vijuar me pretendimet e saj ne kampionat.
Diferenca prej 7 pikesh aktualisht me kreun duket e madhe, por nese skuadra reagon menjehere ne menyre e duhur gjithçka eshte e hapur. Pikerisht per kete arsye, ndeshja e se shtunes ndaj ballshioteve ka shume vlere per Vllaznine./SHKODRA-SPORT.COM/
