Teuta ka mbyllur pasditen e sotme përgatitjet për sfidën e rëndësishme përballë Kukësit, nesër në orën 16:00 në Niko Dovana për javën e 22-të të Abissnet Superiore. Nën drejtimin e trajnerit Edi Martini, skuadra ka bërë seancën e fundit stërvitore ku ritmi ka qenë sërish i lartë.
Nesër ëshë një finale e parakohshme për të dy ekipet teksa nesë do të ketë një fitues, ai do të hedhë një hap gjignat larg zonës së kuqe por mbi të gjitha do të afrohet edhe me ekipet që garojnë për Kupat e Europës.
Si durrsakët ashtu edhe verilindorët janë me kuotë të barabartë pikësh, 25 dhe nesër është një përballje direkte mes tyre. Edi Martini e di mire kete gje dhe padyshim qe e ka pergatitur skuadren per ta kaluar me sukses ate.
Bregdetarët, vec mbrojtësit Jazxhi që mungon për shkak kartonash, pritet të jetë e plotë teksa Karabeci, Goxhaj dhe Daci kanë lënë pas shqetësimet dhe nesër para sfidës do të mësojnë nëse do të jenë titullar apo jo.
