Një shqiptar lufton sot për tu shpallur kampion bote në boks. Robin Krasniqi ka mundësinë të sjellë dy tituj kampion bote në Shqipëri, me 33-vjeçarin, që sfidon gjermanin Dominik Boesel.
Ky i fundit është kampioni i botës në fuqi në federatat WBA dhe NBO.
Ndeshja do të luhet në “Getec Arena” në Magdeburg, teksa në orën 17:00 do të bjerë gongu i parë i sfidës.
Gjithçka është gati, me boksierët, që janë peshuar ditën e djeshme dhe kanë zhvilluar përballjen e fundit sy më sy përpara kësaj ndeshje shumë të rëndësishme për të dy.
Për Boesel kjo është hera e parë që do të luftojë për të mbajtur dy titujt në fuqi.
Krasniqi në vitet e fundit ka treguar një rritje të madhë në boksimin e tij dhe pritet të jetë një kundërshtar mjaft i denjë për kampionin e botës, të cilit dëshiron t’ia rrëmbejë këtë titull. /vipsport/
