Dy miqësore, të dyja të humbura për Kombëtaren shqiptare në muajin qershor. Shqipëria nuk ia doli të marrë rezultat pozitiv as përballë Luksemburgut, duke u mposhtur me të njëjtin rezultat “fotokopje”, 0-1 si përballë Izraelit.
Mediumi “Sofascore”, si gjithnjë, ka bërë vlerësimet për secilin prej lojtarëve në këtë takim, ku për të dytën herë radhazi, spikat paraqitja bindëse e Kristjan Asllanit që u vlerësua me notën 7.6.
Po ashtu, edhe portieri Alen Sherri, pavarësisht golit të pësuar tregon lartësinë e tij në ndërhyrje të rëndësishme. Ish-i i Vllaznisë u vlerësua me notën 7.2. Pas tij vjen Mario Mitaj me notën 7.1 dhe e përmbyll Andi Hadroj me notën 7, ky i ardhur nga stoli në pjesën e dytë.
Pjesa tjetër e lojtarëve është vlerësuar më pak se nota 7, mes të cilëve, Gjimshiti 6.8, Laçi 6.7 dhe kapiteni Hysaj 6.7.
