Pak muaj me pare u shpall kampion me Vllaznia U21, madje duke qene kapiteni i ketij ekipi pati kenaqesine ta ngrinte i pari lart trofeun, por nga ana tjeter, pas ketij suksesi do te deklaronte se do te largohej nga skuadra shkodrane. E kemi fjalen per futbollistin Egzon Shimaj.
Dhe ne fakt keshtu ndodhi duke pare qe ne ekipin e pare nuk kishte hapesira per te dhe si rrjedhoje gjeti akordin me drejtuesit e klubit per t’u larguar. Ambicjet e tij kane qene per te gjetur nje ekip jashte vendit dhe ne fakt ka patur disa opsione.
Megjithate asnjeri prej tyre nuk u realizua gjate merkatos se veres dhe tashme eshte duke pritur per disa opsione te tjera qe mund te dalin ne skene ne janar. Pikerisht nisur nga kjo, drejtesuesit e Basanias, presidenti Ermir Shimaj dhe trajneri Fatjon Hasanaj e kane bindur qe te luante per keto, te pakten keto 2-3 muaj.
Siç dihet, Basania do te marre pjese per te dytin vit me rradhe ne kampionatin e kategorise se trete por sivjet ka pretendime shume ambicioze per t’u ngjitur nje kategori me lart dhe Egzon Shimaj do ua jape nje dore per arritjen e ketij objektivi.
Perpos tij, pjese e Basanias siç kemi bere te ditur jane bere kete sezon edhe tre futbolliste shkodrane, por edhe disa shkodrane te tjere te cilet e kane rritur shume forcen e skuadres dhe pretendimet e saj./SHKODRA-SPORT.COM/
