Shqipëria është duke zhvilluar përgatitjet për sfidën e së dielës në Ligën e Kombeve ndaj Izraelit në transfertë.
Trajneri Panucci po mendon për të ndryshuar skemë, për të kaluar në vendosjen e vjetër 4-3-3.
Strategu italian me shumë mundësi do të aktivizojë në portë Berishën, mbrojtja e përbërë nga katër me Binakun dhe Hysaj në të majtë e djathtë, Mavraj dhe Gjimshitin në qendër. Në mesfushë kthehet Basha dhe Memushaj, të mbështetur nga Xhaka.
Krahët janë Grezda në të majtë dhe Gavazaj në të djathtë. Në sulm, i vetëm, Bekim Balaj, i cili duket në avantazh ndaj Manajt, i cili luajti titullar ndaj Jordanisë, raportojnë mediet shqiptare.
