Sot kane nisur kampionatet kombetare te basketbollit si per meshkuj ashtu edhe per femra dhe ekipet pjesmarrese ne to kane luajtur edhe ndeshjet respektive te javes se pare te saj. Por ajo qe e ben qesharake situaten ne basketbollin shqiptar, eshte se ekipet nuk e dine ende shortin e javes se dyte!!!
Mund te duket paradoksale dhe ndoshta e rende kjo gje, por ky duket se eshte realiteti i basketbollit shqiptar aktualisht. Nje gje te tille e ka bere publike mbremjen e sotme trajneri i Vllaznise se meshkujve Damian Bekteshi.
Pas ndeshjes me Apolonine (te fituar nga kjo e fundit 81-71), ai eshte pyetur nga gazetaret ne lidhje me ndeshjen e javes se dyte se kush do te jete kundershtari i ardhshem i Vllaznise dhe pergjigja e tij i ka habitur te gjithe.
“Te them te drejten, nuk e dime ende sepse neser vjen kalendari i plote i kampionatit sepse sot ka qene vetem kalendari i javes se pare. Kur te vijne neser kalendari i plote, do te fillojme te mendojme pastaj per ndeshjen e javes se dyte”- eshte shprehur Bekteshi.
Gazetaret e kane ngacmuar me tej se si ka mundesi qe kampionati ka filluar dhe ende nuk dihet kalendari, numri 1 pankines shkodrane ka shtuar: “Ky eshte realiteti”. Nje situate aspak normale e krijuar nga Federata Shqiptare e Basketbollit, megjithate ajo duket se eshte fokusuar tek akvitete te tjera me te rendesishme se kampionati te cilin e ka lene disi pas dore./SHKODRA-SPORT.COM/
