Partizani po synon një skuadër më të fortë se ajo e sezonit të kaluar duke nisur me transferimin e ish-sulmuesit të Laçit dhe Kukësit Reginaldo Faite.
Burime për Newsport.al bëjnë me dije se zyrtarët e kampionëve të Shqipërisë i kanë kontaktuar “Këpucës së Artë” të sezonit 2018-2019 për të nisur bisedimet mes palëve.
Deri tani, afrikani nuk ka denjuar të kthejë përgjigje duke lënë në pritje drejtuesit e Partizanit. Lojtari ishte objektiv kryesor i të kuqve edhe gjatë janarit duke tentuar të shfrytëzonin atmosferën e nderë që u krijua midis Reginaldos dhe klubit për rendimentin e golave dhe konkurencën me Vasil Shkurtajn, por presidenti i Kukësit Safet Gjici i mbylli derën rivalëve.
Me kontratën e mbyllur me nënkampionët e Shqipërisë, e ardhmja e Reginaldos është e hapur. Megjithate shanset qe ai te qendroje serish ne Shqiperi, jane shume te pakta per vete problemet qe ka patur ai, fillimisht tek Laçi dhe se fundmi tek Kukesi.
