Për herë të parë në histori katër lojtarë nga Kosova luajtën në një ndeshje në Gjermani.
Treshja e Hofenhaim, Fisnik Asllani, Leon Avdullahu dhe Albian Hajdari, së bashku me Elvis Rexhbecajn e Ausgburgut ishin titullarë në fundjavë në Bundesliga.
Edhe vetë skuadra gjermane ka uruar FFK-në për këtë arritje të jashtëzakonshme.
“KosoWOW. Me Fisnik Aslllanin, Leon Avdullahun, Albian Hajdarin dhe Elvis Rexhbecaj i Augsburgut, katër lojtarë kosovarë luajtën në një ndeshje për herë të parë në histori të Bundesligas”, shkruan klubi gjerman.
Hofenhaim fitoi ndeshjen me rezultatin e pastër 3-0, ku Hajdari e Avdullahu bënë paraqitje të shkëlqyer.
