Ndeshja e djeshme ne mes Flamurtarit dhe Vllaznise e cila perfundoi me fitoren 2-1 te vlonjateve ka patur edhe disa gjera pikante te cilat gazeta “Panorama sport” i ka evidentuar. Ja disa prej tyre:
* Drejtori i Flamurtarit, Alfred Ferko, i shoqëruar nga ish-futbollisti i shquar, Kreshnik Çipi, kanë parë ndeshjen në tribunën VIP bashkë me presidentin e Vllaznisë, Alban Xhaferi. Kreu i klubit vlonjat, Sinan Idrizi, mungonte dje për shkak se ndodhet në Amerikë.
* Pas golit të dytë të Flamurtarit, presidenti i Vllaznisë zbret nga tribuna dhe del jashtë stadiumit. Kaq ka mjaftuar që tifozët vlonjatë të nisnin ngacmimet: “Iku se u bë për kafe pas dy golave”.
* Trajneri i Flamurtarit, Marcelo Troisi, gjatë gjithë ndeshjes e ka udhëzuar skuadrën në këmbë dhe nuk është ulur asnjë minutë.
* Hyrja në stadium ka qenë e lirë dhe pati një prani të shumtë tifozësh, veçanërisht në tribunën qendrore, që është e mbuluar.
* Sapo arbitri vërshëllen për mbylljen e ndeshjes, trajneri i Flamurtarit fluturon nga gëzimi dhe përqafohet me të gjithë lojtarët dhe bashkëpunëtorët e tij.
* Duke dalë nga stadiumi, drejtori Alfred Ferko fton për kafe Mirel Josën. “Mirel hajde pimë një kafe këtu afër”, i thotë Ferko. “Po, patjetër me kënaqësi Fredi”, i përgjigjet trajneri i Vllaznisë.
