Skënderbeu po vijon përgatitjet për ndeshjen ndoshta më të rëndësishme të këtij sezoni për ekipin bardhekuq.Korçarët luajnë të shtunën kundër Flamurtarit në transfertë dhe një fitore e mundshme në Vlorë do i afronte edhe më shumë me objektivin e tyre: rikthimin në Kategorinë Superiore.
Atmosfera duket mjaft e qetë dhe skuadra nën drejtimin e Ivan Gvozdenoviç po përgatitet maksimalisht, me përqëndrimin maksimal.
Për të motivuar edhe më shumë lojtarët dhe stafin në prag të kësaj përballje të rëndësishme, ka menduar edhe kryesia e klubit.
Sipas CNA.al presidenti Takaj ka premtuar një shpërblim. Ai do dhurojë 20 milionë lekë të vjetra shpërblim në rast të një fitoreje me Flamurtarin.
Padyshim një motivim ekstra, i cili do jetë një shtysë e madhe për lojtarët që të japin maksimumin në këtë përballje dhe të arrijnë rezultatin e kërkuar nga drejtuesit, duke u afruar edhe më shumë me Superioren.
