Situata tek Vllaznia ditët e fundit është krejt ndryshe dhe futbollistët janë më të qetë e për këtë arsye, do të kërkojmë fitoren në ndeshjen e së dielës me Tiranën. Kjo është deklarata e bërë nga ana e trajnerit të skuadrës shkodrane Baldo Raineri një ditë para ballafaqimit me kuqeblutë. Ai është parë të jetë shumë entuziast në këtë pragndeshje dhe këtë e ka shfaqur edhe para kamerave kur ka thënë: “E vetmja gjë e rendesishme është që të vijnë tifozët. Unë nuk e di sa kushton një biletë për ndeshjen e nesërme (sotme), por I bëj thirrje të gjithëve të mbushin stadiumin. Takimi I nesërm është një derbi i kampionatit shqiptar, njëlloj si Inter- Juve në Itali e kështu që ky derbi duhet të mbështetet 100% nga tifozët. Ky është I vetmi mesazh pozitiv që mund të marrim për këtë ndeshje. Unë e di që tifozët shkodranë mund të jenë të zhgënjyer pasi e gjithë këtë periudhë është folur për gjithccka, por vetëm për sport jo. Ato duhet ta kenë edhe kulturën e pranimit të humbjeve pasi skuadra në momentet e këqija ka më shumë nevoje për mbështetje”.Raineri është parë të jetë shumë I karikuar dhe njëkohësisht ka thënë se futbollistët kanë qenë të shqetësuar nga shkrimet e gazetave dhe kronikat televizive të ditëve të fundit megjithatë kjo situatë sipas tij, ka ndryshuar e për këtë do kërkohet fitorja.Takimi Vllaznia- Tirana do të luhet të dielën në orën 17.00 në stadiumin “Loro Boriçi” dhe për kuqeblutë ka dilemë sa I takon aktivizimit të Shtubinës dhe Bacit për arsye shëndetësore ndërkohë që Dema është I skualifikuar me kartona. Pavarësisht këtij fakti, kuqeblutë pritet të kërkojnë fitoren në këtë takim.
© shkodrasport.com
