Lajmi qe merkatoja e Vllaznise eshte e bllokuar bashke edhe me ate te klubeve te Tiranes, Dinamos e Luftetarit, i cili eshte publikuar sot ne median e shkruan, ne fakt eshte kundershtuar nga ana e klubit shkodran i cili pak minuta me pare ka bere nje reagim ne faqen e tij zyrtare.

Ne kete reagim, perpos mohimit te bllokimit te merkatos nga FIFA eshte publikuar edhe nje foto e sistemit te saj qe tregon se per Vllaznine nuk ka asnje lloj bllokimi ne kete mes. Ja çfare shkruhet aty:

REAGIM:

Klubi i Futbollit Vllaznia është informuar sot në lidhje me disa lajme të përhapura në disa media për bllokimin e merkatos të saj.
KF Vllaznia sqaron opinonin publik me përgjjegjësi të plotë se nuk ka asnjë çështje të asnjë lojtari që është apo ka qënë në marëdhënie kontraktuale si dhe nuk ka asnjë vendim në fuqi të organeve të drejtësisë sportive që imponojnë bllokimin e merkatos së KF Vllaznia.

Këtë gjë e tregon më së miri edhe fotoja bashkëngjitur që tregon sistemin e transferimit të futbollistëve ku nuk ka asnjë penalitet për KF Vllaznia.

Duke qënë të ndërgjegjshëm se lufta per arritjen e objektivave sportive nuk zhvillohet vetëm në fushën e blertë, garantojmë sportdashësit tonë të zjarrtë kudo ku ndodhen se me përkushtim dhe profesionalizëm jemi të vendosur të përballemi me dinjitet ndaj çdo sfide!”