Dëmtimi i 3-të për këtë sezon i “bomberit” francez, Karim Benzema duket se ka vënë në “lëvizje” bordin drejtues të Real Madrid dhe tashmë “galaktikët” janë në kërkim të një sulmuesi, i cili mund të zëvendësojë denjësisht fituesin e “Topit të Artë”.
Sipas prestigjiozes spanjolle “Mundo Deportive”, përveç Kylian Mbappe dhe “bomberit” portugez Gonçalo Ramos, tashmë në “radarët” e madrilenëve ka hyrë dhe sulmuesi i Tottenham Hotspur, Richarlison.
Braziliani pëlqehet shumë nga drejtuesit e “galaktikëve”, të cilët mund të përfitojnë dhe mosaktivizimi sa duhet i 25-vjeçarit, për ta sjellë “yllin” e “seleçaos”, që në merkaton e verës në “Santiago Bernabeu”.
